ਜੇ ਤੂੰ ਕੋਈ ਰਬ....[ਗੁਰ੍ਬ੍ਰਿੰਦਰ]

ਮੈਂ ਇਸ ਨੂੰ ਤਸੀਹੇ ਆਖਾਂ

ਤੂੰ ਆਖੇਂ ਖੁਦਾਈ

ਮੁਦਤ ਬਾਦ ਤੂੰ ਮੇਲ ਕਰਾਂਵੇੰ

ਝੱਟ ਪਾਂਵੇਂ ਜੁਦਾਈ .

ਪਲ ਪਲ ਹਿਜ੍ਰ ਦਾ ਰੋ ਰੋ ਕਟਾਂ

ਜਾਗ ਕੇ ਰਾਤ ਟਪਾਈ

ਤੂੰ ਸੁਤਾ

ਕਿੱਤੇ ਧੂਣੀ ਬਾਲੀ

ਕੀ ਸਮਝੇਂ ਪੀੜ ਪਰਾਈ.

ਤੂੰ ਆਖੇਂ ਸਬ ਤੇਰਾ ਤੇਰਾ

ਕੀ ਦਿੱਤਾ ਮੈਨੂੰ ਮੇਰਾ

ਦੂਰੋਂ ਦੂਰੋਂ ਦਰਸ ਕਰਾ ਕੇ

ਖੋ ਸਜਨ ਲਇਆ ਮੇਰਾ

ਮੈਂ ਨਹੀ ਤੇਰੇ ਪਾਉਂਦਾ ਤਰਲੇ

ਕਿਓਂ ਜਾਂਵਾਂ ਸਿਰ ਝੁਕਾਈ

ਜਾ ਲਭ ਲੈ ਕੋਈ ਨਵਾਂ ਨਮਾਜ਼ੀ

ਜੋ ਤੇਰਾ ਬੂਹਾ ਜਾਏ ਖੜਕਾਈ

ਜੇ ਚਾਹੁੰਦਾ ਤੂੰ ਰਬ ਅਖਵਾਣਾ

ਕੋਈ ਰਖੀੰ ਆਸ ਜਗਾਈ

ਬਿਰਹੋਂ ਦਾ ਹੈ ਝਖੜ ਝੁਲਦਾ

ਨਾ ਦੇਵੀਂ ਜੋਤ ਬੁਝਾਈ....[ਗੁਰ੍ਬ੍ਰਿੰਦਰ]

लफ्ज़ बन कर निकली हर तारीफ़ उनकी 'मुरीद ',,
आँखों ने जो पढ़ा जुबां ने बोल दिया .......[गुर्ब्रिंदर ]

lafz ban kar nikli har taareef unki 'mureed' ,,
aankhon ne jo padha zubaan ne bol diya ....[gurbrinder]

ਦਰਦ ਜੁਦਾਈਆਂ ਵਾਲੇ ਅਸੀਂ
ਰੋ ਰੋ ਤੈਨੂ ਦਸਦੇ ਹਾਂ
ਇਕ ਵਾਰ ਫੇਰਾ ਪਾ ਤ੍ਕਨੇ ਨੂੰ
ਵੇਖ ਨਰਕਾਂ ਵਿਚ ਕਿੰਜ ਵਸਦੇ ਹਾਂ ....[ਗੁਰ੍ਬ੍ਰਿੰਦਰ ]

ਦਰਦ ਜੁਦਾਈਆਂ ਵਾਲੇ ਅਸੀਂ
ਰੋ ਰੋ ਤੈਨੂ ਦਸਦੇ ਹਾਂ
ਇਕ ਵਾਰ ਫੇਰਾ ਪਾ ਤ੍ਕਨੇ ਨੂੰ
ਵੇਖ ਨਰਕਾਂ ਵਿਚ ਕਿੰਜ ਵਸਦੇ ਹਾਂ ....[ਗੁਰ੍ਬ੍ਰਿੰਦਰ ]

इस दिल के धडकने का 'मुरीद ' कोई और भी जरिया होगा
जुदा जो करके जा रहा है उस ने कुछ तो सोचा होगा ........[गुर्ब्रिंदर ]

देता है 'मुरीद ' अपनी कहानी अपनी ही जुबानी उसको ,,
के अफसाना ऐसा लिख बैठा जो सिर्फ अश्कों से ब्यान होता है ...[गुर्ब्रिंदर

ਟੱਪੇ [punjabi tappe]

ਭਸੂੜੀ ਨਵੀ ਪੁਆ ਆਈ ਏ

ਖਵਰੇ ਕਿਥੇ ਗੱਡੀ ਠੋਕ ਤੀ

ਨਾਲੇ ਚਲਾਨ ਕਟਵਾ ਆਈ ਏ .....[ਗੁਰ੍ਬ੍ਰਿੰਦਰ ]

ਸੋਨੇ ਦੀ ਇੱਟ ਮਾਹਿਆ
ਸੁਪਨੇ ਚ ਮਿਲ ਤਾ ਲਈਏ
ਕਦੇ ਅਖ ਵੀ ਤੂ ਮੀਟ ਮਾਹਿਆ .......[ਗੁਰ੍ਬ੍ਰਿੰਦਰ

ਬੜਾ ਭੁਜਿਆ ਕਰਾਰਾ ਏ
ਬੋਤਲ ਪਿਹਲਾਂ ਗਈ ਮੁਕ ਸੀ
ਹੁਣ ਮੁਕ ਗਇਆ ਖਾਰਾ ਏ .....[ਗੁਰ੍ਬ੍ਰਿੰਦਰ ]

ਰਹ ਗਈ ਚਿਕਨ ਸਲਾਮੀ ਏ
ਦਾਰੂ ਵੀਰ ਛਡਨੀ ]ਪੇਣੀ

ਬੜੀ ਭੇੜੀ ਇਹ ਗੁਲਾਮੀ ਏ ....ਗੁਰ੍ਬ੍ਰਿੰਦਰ

ਪਾਇਯਾ
ਛੇਤੀ ਮੁੜ ਵਤਨਾ ਨੂ
ਮੇਰੀ ਜਿੰਦ ਨਿਕਲਣ ਤੇ ਆਈ ਆ .....[ਗੁਰ੍ਬ੍ਰਿੰਦਰ ]

ਅਧਾ
ਜਾਂਦਾ ਹੋਇਆ ਦਸ ਨਾ ਗ੍ਯੋੰ
ਵੇ ਕਿਥੇ ਘ੍ਲਾਂ ਤੈਨੂ ਮੈਂ ਸਦਾ.....[ਗੁਰ੍ਬ੍ਰਿੰਦਰ ]

ਪੋੰਣਾ
ਜੁਦਾਈਆਂ ਵਾਲਾ ਦਰਦ ਬੁਰਾ
ਸਾਥੋਂ ਹੋਰ ਸੇਹੰਨ ਨਹੀ ਹੋਣਾ ....[ਗੁਰ੍ਬ੍ਰਿੰਦਰ]

ਰੋਟੀ
ਊਨ੍ਠਾਂ ਵਾਲੇ ਤੁਰ ਨੀ ਗਏ
ਸੱਸੀ ਰਹ ਗੀ ਥਲਾਂ ਚ ਖਲੋਤੀ ......[ਗੁਰ੍ਬ੍ਰਿੰਦਰ ]

ਤਾਰੇ
ਇਕ ਵਾਰੀ ਦਸ ਵੇ ਰੱਬਾ
ਕਿਥੇ ਲੁਕ ਗਏ ਨੇ ਮਿਤਰ ਪਿਆਰੇ .......[ਗੁਰ੍ਬ੍ਰਿੰਦਰ ]

ਅਸਮਾਨੀ ਤਾਰੇ ਨੇ
ਚਨ ਸਾਡਾ ਲਿਸ਼੍ਕ਼ ਪਇਆ
ਮੁੜ ਰਬੀ ਨਜ਼ਾਰੇ ਨੇ .........[ਗੁਰ੍ਬ੍ਰਿੰਦਰ ]

ਬੂਹੇ ਚਿਕ ਲਟਕਾਈ ਹੋਈ ਏ
ਚਨ ਮੇਰਾ ਨਹੀਓ ਦਿਸਦਾ
ਮੋਹਰੇ ਬਦਲੀ ਛਾਈ ਹੋਈ ਏ ........[ਗੁਰ੍ਬ੍ਰਿੰਦਰ ]

ਬੁਲੋੰਦੀ
ਚਲਦੀ ਗਡੀ ਜਿੰਦਗੀ ਦੀ
ਟੇਸ਼ਨ ਮੋਤ ਦੇ ਤੇ ਆਕੇ ਖਲੋਂਦੀ ......[ਗੁਰ੍ਬ੍ਰਿੰਦਰ]

ਪੌੜੀ
ਅਖਾਂ ਵਿਚ ਪਾਣੀ ਆ ਗਇਆ
ਮਿਰਚ ਚਬ ਲੀ ਭੁਲੇਖੇ ਨਾਲ ਕੌੜੀ....[ਗੁਰ੍ਬ੍ਰਿੰਦਰ]

ਭੈੜਾ ਜਗ ਮੈਂਡੇ ਤੇ ਹਸਦਾ
ਓਹਦਾ ਰਬ ਅਰਸ਼ਾਂ ਤੇ
ਤੇ ਮੈਂਡਾ ਦਿਲ ਮੇਰੇ ਵਿਚ ਵਸਦਾ ......[ਗੁਰ੍ਬ੍ਰਿੰਦਰ ]

ਚੂਰੀ
ਵਤਨਾ ਨੂ ਮੁੜ ਚੰਨ ਵੇ
ਹੁਣ ਸਹੀ ਨਹੀ ਜਾਂਦੀ ਦੂਰੀ ...[ਗੁਰ੍ਬ੍ਰਿੰਦਰ]

ਗਜ੍ਦੇ
ਕੇਹੜਾ ਹੋਰ ਦਰ ਰਹ ਗਇਆ
ਮੈਂ ਥਕ ਗਇਆ ਕਰ ਕਰ ਸਜਦੇ ....[ਗੁਰ੍ਬ੍ਰਿੰਦਰ ]

ਤੂੰ ਯਾਰੀ ਸੱਸੀ ਵਾਂਗ ਲੈ ਹੋਈ ਏ
ਹੁਣ ਇਕ ਵਾਰੀ ਖੋਲ ਅਖ ਨੀ
ਕਿਓਂ ਮੇਰੀ ਨੀਂਦ ਉਡਾਈ ਹੋਈ ਏ ....[ਗੁਰ੍ਬ੍ਰਿੰਦਰ]

ਅਖੀਆਂ ਅਥਰੂ ਵਹਾਉਂਦਿਆਂ ਨੇ
ਨੀਂਦ ਨਾ ਪਵੇ ਰਾਤ ਨੂ
ਉਮੀਦਾਂ ਗੋਤੇ ਖਾਂਦੀਆਂ ਨੇ ...........[ਗੁਰ੍ਬ੍ਰਿੰਦਰ]

ਕੋਈ ਜ਼ਾਰ ਜ਼ਾਰ ਰੋਂਦਾ ਏ
ਲੋਕ ਕਹਿਣ ਹੋਇਆ ਕਮਲਾ
ਉਹ ਫੱਟ ਇਸ਼ਕੇ ਦੇ ਧੋਂਦਾ ਏ |....[ਗੁਰ੍ਬ੍ਰਿੰਦਰ]

ਨਸ਼ਾ ਹੁਸਨ ਦਾ ਕਰ ਲੈਂਣ ਦੇ
ਕੁਝ ਚਿਰ ਰੁੱਕ ਸੋਹਣੀਏ
ਸਾਨੂ ਅਖੀਆਂ ਤਾਂ ਭਰ ਲੈਣ ਦੇ ......[ਗੁਰ੍ਬ੍ਰਿੰਦਰ ]

ਅੱਗ ਗਰਮੀ ਨੇ ਲਾਈ ਹੋਈ ਏ
ਲੋਗ ਕਹੰਦੇ ਨੀਮ੍ਬੂ ਪਾਣੀ ਪੀ
ਮੈਂ ਤਾਂ ਬੀਅਰ ਮੰਗਾਈ ਹੋਈ ਏ..[ਗੁਰ੍ਬ੍ਰਿੰਦਰ ]

ਤਾਰੇ ਚੜਿਆਂ ਵੀ ਰੈਣ ਕੋਈ ਨਾ

ਜਗ ਭੈੜਾ ਕਰੇ ਮੌਜਾਂ
ਸਾਨੂ ਸੁਤਿਆਂ ਵੀ ਚੈਨ ਕੋਈ ਨਾ .......[ਗੁਰ੍ਬ੍ਰਿੰਦਰ ]

ਹਥੀਂ ਤਸਬੀ ਚਾਈ ਹੋਈ ਏ
ਇਕ ਤੇਰੀ ਲੋੜ ਨੂੰ ਮਾਹਿਆ
ਯਾਰੀ ਰਬ ਨਾਲ ਪੈ ਹੋਈ ਏ .......[ਗੁਰ੍ਬ੍ਰਿੰਦਰ ]

ਕਿੰਵੇਂ ਪਿਆਰ ਜਤਾਂਵਾਂ ਮੈਂ
ਬੋਲ ਮਾਹੀ ਨਾਲ ਲੈ ਗਿਆ
ਕੇਹੜਾ ਟਪਾ ਸੁਣਾਂਵਾਂ ਮੈਂ .......[ਗੁਰ੍ਬ੍ਰਿੰਦਰ ]

ਡੰਡੀ ਕਨ ਦੀ ਪੀੜ ਕਰੇ
ਕੋਈ ਮੀਠਾ ਬੋਲ , ਬੋਲ ਸੋਹਣੀਏ
ਜਿਹੜਾ ਦਰਦ ਦਿੱਲਾਂ ਦਾ ਜਰੇ ......[ਗੁਰ੍ਬ੍ਰਿੰਦਰ ]

ਕੋਈ ਬੂਹਾ ਪਿਆ ਭੰਨਦਾ ਏ
ਤਾਂਘ ਮੈਨੂ ਸਜਣਾ ਦੀ
ਪਰ ਦਿਲ ਅੰਦਰੋਂ ਡਰਦਾ ਏ ........[ਗੁਰ੍ਬ੍ਰਿੰਦਰ ]

ਬੂਹੇ ਵਿਚ ਜਾਲੀ ਏ

ਬਾਹਰ ਪਇਆ ਮੀਂਹ ਵਰਦਾ
ਅਖ ਮੇਰੀ ਅਜ ਖਾਲੀ ਏ ......[ਗੁਰ੍ਬ੍ਰਿੰਦਰ ]